شنو هو أوبتس؟

بالمختصر

أوبتس مساعد ذكاء اصطناعي (وكيل) تحچي وياه بالعربي، فصحى لو عامية، ويرد عليك بنفس اللغة أو اللهجة. الفرق الأساسي إنه يكمّل الشغل بدل ما يعطيك خطوات تسويها بإيدك:

• يكتب مشاريع برمجية كاملة، ويشغّلها بمعاينة حيّة تشوفها قبل ما تعتمدها.
• يسوي صور ومقاطع فيديو وصوت وموسيقى، ويحوّل الكلام المسجّل لنص.
• يبني ألعاب ومواقع، وينشرها بضغطة بعد ما تشوف الكلفة وتوافق.
• يتحكم بحاسبتك (يفتح برامج، يرتّب ملفات) بس بعد موافقتك.
• يشغّل فريق وكلاء يتقاسمون مهمة كبيرة.

وين يشتغل؟

• بالمتصفح: من web.optes3.com بدون تنصيب.
• تطبيق OPTES Code لويندوز: ويندوز 10 و11، 64 بت. رابط التنزيل والبصمة (SHA-256) بالصفحة الرئيسية.
• لينكس: حزمة ‎.deb لـ Debian وKali، أو AppImage. ونسخة ARM64 تجريبية.
• أندرويد: نسخة تجريبية مبكرة (Alpha).
• للمطورين: واجهة برمجية (API) بمفتاح واحد لنماذج OPTES، وتوثيقها هنا.

شكد يكلّف؟

أكو باقة مجانية بيها نماذج OPTES Fast (مو بلا حد: 420 رسالة بالأسبوع). والباقات المدفوعة شهرية بالدينار العراقي عن طريق وَيل، والرسوم ضمن السعر: برو 19,000، برو ٢× 30,000، برو بلس 50,000، ماكس 144,000، ماكس بلس 288,000، ماكس ألترا 569,000 دينار. كل باقة شنو بيها بالأرقام مكتوب بصفحة الباقات، وإذا ألغيت تبقى باقتك شغّالة لآخر الشهر اللي دافعه.

شلون يحافظ على شغلك؟

• أنت تختار نمط الموافقات: يسألك قبل كل خطوة، أو قبل الخطوات الحساسة بس.
• حارس للأوامر: يوقف الأوامر الخطرة قبل ما تتنفذ.
• نقاط رجوع: إذا ما عجبك تغيير، ترجّع الملفات مثل ما چانت.
• الأسرار مخفية عن الوكيل، وسقف إنفاق تحدده أنت.

والتفاصيل بصفحة الخصوصية والإبلاغ عن ثغرة.

منو وراه؟

أوبتس مشروع مستقل. تطبيق OPTES Code تملكه شركة الجابري. تكدر تعرف أكثر من صفحة من نحن، وتراسلنا على support@optes3.com.